கு. ஞானசம்பந்தன் தமிழ் உலகம் G.Gnanasambandan Tamil World

    தமிழில் சிலேடை என்பது ‘ இரட்டுற மொழிதல் ’ என்ற பொருளில் வரும் . அக்காலத்தில் சிலேடையாகப் பாடுவதில் காளமேகப்புலவர் வல்லவர் . பேச்சில் சிலேடை தொனிக்கப் பேசுபவர்கள் தம் பேச்சால் அனைவரையும் ஈர்ப்பர் . அத்தகைய வல்லமை பெற்றவர்களில் ஒருவர்தான் கி . வா . ஜகந்நாதன் அவர்கள் . இவர் மிகச்சிறந்த எழுத்தாளர் , பேச்சாளர் என்பதோடு பத்திரிக்கை ஆசிரியராகவும் இருந்தார் .   ஒருமுறை இவருடைய நண்பர் இவரைப் பாராட்டிப் பேசும்போது ‘ உங்களுக்குக் கிடைத்த புகழ் யாருக்குக் கிடைக்கும் ’ என்றாராம் . அதைக் கேட்டு கி . வா . ஜ . வியப்போடு , ‘ என்ன புகழ் ?’ என்று கேட்க , ‘ நீங்கள் கலைமகளுக்கே ஆசிரியராயிற்றே ’ என்று புன்னகையோடு சொன்னாராம் . கேட்ட கி . வா . ஜ . வின் முகத்திலும் புன்னகை .   இவரின் சிலேடைகள் இடத்திற்கும் நேரத்திற்கும் ஏற்றபடி அமையும் . ஒருமுறை இவர் ஒரு ஊருக்குப் பேசுவதற்காக இரயிலில் சென்றாராம் . காலைநேரத்தில் இரயில் அந்த ஊரில் போய் நிற்க , இவரை வரவேற்க வந்தவர்கள் , பெரிய மாலையைக் கொண்டுவந்து இவர் கழுத்த...